من وحي الصورة الي قدامي ..
ممكن اتخيل اني انا العصفور الي واقف ده .. وببص على انعكاس صورة الساقية القلابة في المية ^^
الدنيا زي القلابة دي .. شوية فوق و شوية تحت .. وممكن نطبق الصورة دي على مستويين عام و شخصي :)
على المستوى العام ..
الثوار السنة الي فاتت كانوا بيهتفوا ضد العسكر عشان معاديين الثورة .. السنة دي بيهتفوا ليهم عشان وقفوا معانا ضد مرسي :)
الاخوان السنة الي فاتت سابونا في محمد محمود ومجلس الوزراء نتقتل ونتهان ونتحبس في الوقت الي هما كانوا بيحضروا فيه لانتخابات البرلمان ... السنة دي الاخوان اضربوا واتقتلوا من الجيش في حين ان المصريين مشغولين بالحكومة والاعلان الدستوري الجديدين بالاضافة للتحضير لرمضان :)
على المستوى الشخصي ..
انا يوم ببقى فرحانة ويوم مبسوطة .. وغالبا بدون سبب وجيه .. بتبقى من عند ربنا كدا ^^
اذا اتكلمنا على المرحلة الاعدادية بالنسبة لي مثلا .. اولى اعدادي بالنسبة لي كانت مليانة مغامرات .. تانية اعدادي كانت سنة مليانة كآبات و صدمات .. تالتة اعدادي سنة في مجملها كنت مبسوطة ( وان كنت بحس بتعب وقرف احيانا ) وكانت سنة الحصاد بالنسبة لي...
كنت زعلانة لما سبت مدرستي في ابتدائي بعدين اتبسطت في شجرة الدر ( مدرسة اعدادي ) ودلوقتي انا زعلااااانة اني هسيب الشجرة لكن ان شاء الله واثقة اني هبسط في الثانوية الجديدة .. ^^
فعلاً الدنيا كل يوم بلون جديد
ردحذفالنهاردة في مكان بكرة في مكان كان بعيد عن خيالنا
النهاردة بنفكر في حاجة بكرة هنكون نسيناها خالص
ربنا يوفقك يا قمر :)
شكرا :))
حذفالدنيا زي المرجيحة :D
ردحذفربنا يوفقك يا ندى :)
استمري
وبالتوفيق
تحيتي.
ميرسي يا سارة :*
حذف