النهاردة طلعت نتيجة الثانوية العامة ..
اليوم ده على مر السنين ببقى مبسوطة فيه ومهتمة اعرف النتيجة و الدرجات وكدا
ببقى مبسوووطة جدا لما بسمع عن الولاد و البنات الدحاحين وماماهتهم وابهاتهم مبسوطين بيهم اوي عشان مجامعيهم كبيرة ♥
وببقى بدعيلهم على طول .. اما الفاشلين فمعنديش ذرة تعاطف معاهم بصراحة لان ده طريقهم وهما الي اختاروه :)
وببقى كمان مهتمة اعرف مين الاوائل وببسط اما اشوف صورهم وكلامهم في الجرايد والبرامج وكدا بقى :D
وخلوني اقول حاجة .. آي نعم نظامنا التعليمي فاشل و غبي .. ولكن هل ده معناه انكم تسفهوا من المتفوقين فيه وتتفهوا من مجهودهم ؟
طبعا لأ .. اوائل الثانوية العامة وغيرهم من المتفوقين في التعليم دول اذكيا .. واذكيا جدا كمان ومش كلهم مكن حفظ وبس .. دول شباب عندهم قدرات جامدة جدا فعلا وقدروا يتاقلموا وسط الفشل ده وينجحوا والتقصير من الدولة المبجلة الي مش قادرة تستغل قدراتهم صح !!
وإلى طلاب الثانوية العامة .. هنيئا لكم المجموع ولو حتى 60% .. ياما ناس مدخلتش ثانوي عام من اصله ودلوقتي من برنسات المجتمع :)) ابسطوا ابسطوا ابسطوا .. وحبايبي الفائقين و الفائقات انتوا ابسطوا بزيادة بقى :)
المجموع الجامد ده ثمرة تعبكم و جهدكم وقفركم طول سنييييين :))
الناس دي بجد محدش فرحان قدهم دلوقتي .. :))
من دفعة 2016 - ان شاء الله لو في العمر بقية يعني - إلى دفعة 2013 :-
احنا دلوقتي بنبتدي المشوار الي انتو خلصتوه ..
بندور على مدرسين ناخد عندهم المواد الي طلعت عينيكوا ..
احنا دلوقتي لسه داخلين على عنق الزجاجة الي انتوا خلصتوا منه .. ماشية معاك يا عم , قاعد تفكر بقى هتدخل كلية ايه وهتلبس ايه ومقضيها :D
وانتوا بالتأكيد دفعة مميزة .. عشان ذاكرتوا واحنا في اصعب فترة في مصر وعاصرتوا مبارك وطنطاوي والمرسي و السيسي .. كلهم xD
لكن احنا برضو مميزين .. دفعة 2016 .. الي هي دفعتي ان شاء الله .. الي هي لسه داخلة على اولى ثانوي هتبقى دفعة مبروكة لان امتحاناتهم غالبا وحب آخر الاحصاءات الفلكية هتكون في شهر رمضان المعظم :))
احساسي .. اني كمان تلات سنين بالظبط ان شاء الله هبقى فاتحة التدوينة وبقراها وببتسم ابتسامه من قلبي اوي ..
اكون بقراها وانا ان شاء الله ربنا مديني المجموع الجامد طحن .. وبقول ياااااه ..
و مكملين :)
مبروك ليكي مقدما :)
ردحذفشكرا الله يبارك فيكي :)
ردحذفعندما تلتقي سطحية التفكير بالواقع :)
ردحذفطيب ما تعرفني او تعرفيني اسمك الاول عشان نتفاهم ؟!!!
ردحذفإنتِ بتناقشي فكرة مش شخص ,
حذفٌاقري كلامك تاني
معاك حق .. افهم ايه الي سطحي في تفكيري بقى واو انتا ليه بتقول كدا ؟ جايز يطلع معاك حق واغير تفكيري مثلا
حذفحَضرتك مبقوليكيش غيري تفكيرك
حذفلو مش شافية أي نوع من السطحية في التفكير أو الرؤيه
في كوكب آخر خيالي , ده كويس جدًا
نحط نقطه هنا :)
رائع ..يسلم قلمك :)
ردحذفيارب ع سنتك يكون التعليم اتحسن شوية مش زي اللخبطة اللي عيشناها :)
ردحذفبالتوفيق