النهاردة الاربعاء يوم صدور العدد الاسبوعي من مجلة ماجد ..
ذكريات كتييييرة اوي .. من ايام ما كنت في مصر لسه اولى ابتدائي كدا وماما كانت بتجبهالي .. بعدين روحنا السعودية سنتين تانية وتالتة ابتدائي وكانت برضو ماما بتجيبهالنا كل أسبوع وانا وميدو اخويا كنا بنقراها ..
كان بالنسبة لي قمة الحلاوة الصفحتين بتوع كراملة و مدرسة البنات .. وكنت بقرأ البابين بتوع بستان المعرفة و أحباب الله .. وببقى منبهرة بقى بالمعلومات الي فيها وكدا .. ومكنتش بسيب حاجة في المجلة الا وكنت بقراها حتى لو مش بحبها اوي .. فتكون عندي مجلدااااااات من مجلة ماجد طول السنتين دول .. واحنا راجعين مصر مكنتش حابة اسيبهم خالص .. لكن سبتهم :'(
ولما رجعنا مصر كنا بنشتريها برضو لحد ما وصلت 5 ابتدائي كدا بيتهيألي .. وبطلنا بعدها .. كبرنا بقى ...
أما النهاردة فماما قررت تشتريها .. عشان خاطر يوسف بالذات ( اخويا 10 سنين ) عشان هو صايم من اول رمضان ومرهق وكدا ..
المهم ان يوسف مقارنة بينا انا ومحمود (12 سنة) فهو فكس معاه حوار المجلة ده خالص !
اول ما ماما جابتها انا مسكتها قريتها ومحمود كمان .. وقاعد بيحل الكلمات المتقاطعة فيها دلوقتي :D
يوسف ممسكهاش 10 دقايق على بعض اصلا .. :)
مش قصدي الوم يوسف .. الوم العالم الي هو السبب في ان جيل كامل ينشأ وعادة القراءة مش متاصلة فيه ..
قريت ماجد تاني وبصراحة .. حسيت ان فيه حاجات مش مستحملاها برضو من فرط طفولتها يعني .. لكن في المجمل استمتعت ولاقيت كراملة اتحجبت -_- :))
نوستالجيا :))))
هههههههههه انا كمان اشتريتها الاسبةوع الي فات فيها حاجات اختفت زي بي بي ضيفة من خارج الحدود وميكي قرد صديقي موزة ورشود
ردحذفبس بحبها بردو بس مش راح اشتريها كتير بس تصدقي لسة بحب ميكي وبطوط جدااااااا
كلنا من جوانا فينا حتة طفولة :))
ردحذفمجلات ماجد مدهشة و مفيدة
ردحذف